موضوع: مدونه ثالث العيد السبت أكتوبر 04, 2008 9:29 pm
[السلام عليكم
سوف ابدء هالمدونه بسرد تدويني يعني كأني اسولف بطريقه عاديه سالفه تجيب سالفه
صوره اليوم اعجبتني .. انا طبعا ما اقاوم اي شي جميل احب احتفض فيه .. اذا كانت الصوره مميزه احفضها مباشره يعني بالماوس يمين ثم حفض . هذي الصوره كنت بحفضها بملف عندي الان حفضتها بالملف وراح احطها هنا تشوفونها مرات تكون صور عاديه بس .. بس فيها جمال تصلح خامه حلوه يكتب عليها او يصمم عليها
الان مع الصوره
ر طبعا الصوره صوره مقاتل من الزمن القديم ..
ا ايام كانت الحروب على ضهور الخيل
كنت اتوقع الخيول مو سريعه .. حتى شفت الخيول وسرعتها على الطبيعه .. عرفت ليه الناس عشقت الخيول من زمان .. صوتها من بعيد سبحان الله صوت ضرب احافيرهاا .. شموخ ومهابه .. سرعتها اتوقع بالزمن القديم الدنيا هدوء .. الدنيا وقتها ريف هادي .. يعني هو الصوت الوحيد اللي لاسمعوه الناس وقفو ينتضرون وش هاللي على ضهور الخيل
طبعا انا التقيت بشخص هو عساف خيول وخيال اخذ يكلمني عن الخيل .. قال الخيل اول بالجزيره مو كل الناس عندها خيل الخيل عند الفرسان وعند الشيوخ .. وكانت الخيل لها شأن .كأنها من معزه اهلهم حتى انا الفرس وهي الانثى من الخيل .. مايخلون الحصان يجيها الا بالليل يبعدونها عن عيون الناس يعني كأنها من عارهم ولحمهم ودمهم يستروونها .. خوفن احد يشوفها .. ولا جاهم مغزى ونهبت .. تقوم الدنيا وتقعد على هالفرس .. الناس تموت وتنسى والفرس ماتنسى انها نهبت. من الناس ذولا . وتصير هرجه تردد وتصير شغلت الدنياا .. طبعا كانت بالجزيره اطيب خيول الارض وانقاها وكانت اصولها معروفه .. وكانت فيه مرابط خيول كل قبيله عندها مربط خيل واطايب الخيول عندهم ... واغلب الخيل بالدوله العثمانيه اخذت من الجزيره ورحلوها لمصر ومن مصر راحت لاوربا . طبعا راحت ومعها نسبها يعني كل خيل لها نسبها منهي بنته ومن ابوها طبعا اغلى الخيول هي لخيول العربيه .. والان اصبح فيه مزارع هي اخذت دور المرابط .. واصبحت تنتج وتعتني بنسب الخيل حتى اصبحت بيوت خبره ..
مثل مزرعه الخالديه مزرعه الامير خالد بن سلطان ال سعود فيها مجموعه من افضل خيول العالم بمعنى انها لاتقدر بثمن
وفيه الملاك الامراتين
والخيل هوايه اوصى بها الرسول صلى الله عليه وسلم انا معجب بالخيل صراحه لكن عرفت انه عالم اذا اقتربت منه عالم يشدك فيه اصاله يعني انك تعرف الخيل هذي من بنته من ابوها طبعا هي خيل سبوقه وتكسب فا تلاحض ان بوها او امها كاسبين سباقات قبل في عهدها يعني لها تاريخ ومصور وكاوس
انا طبعا ماعندي خلفيه بس عرفت انها رياضه فيها سحر للي يعرف اسمائ الخيل وامها وابوها
مره كنت بشات لقيت وحده نكها احبك ياشقران << عاد جيت يقالك ابخش بمووضع معها
<< هع واخذت تتكلم عنه وان ابوها مهديها هالحصان سواليف بنات نعمه ههههههه
طبعا بوريكم صوره ثانيه شفتها قبل مده احس انها تتناسق مع الموضوع
مره دخلت منتدى لمدينه جبه بالصدفه جبه هذي مدينه بحائل اهلها من قبيله شمر والنعم بشمر وكل القبايل
فا اخذت اتصفح منتداهم لني كنت ادور على برنامج
فا حصلت هالصوره لرجل ... من احفاد فارس من اجدداهم من اهل هالمدينه
وهو لابس درع قديم كانو يلبسونه الفرسان زمان اول
فا تعجبت من ثقله قالو ان وزنه 45 كيلو طيب كيف يلبسه ويقاتل لاشك زمان اول كانو الناس اقوياء
بترككم مع الصوره
نفس الدرع يرتديه شخص ثاني ...
طبعا الدرع عباره عن حلقات دائريه صغيره كل دائره راكبه بالدائره اللي بجنبها حتى تصير مثل النسيج .. فا اذا جت ضربه السيف ماتخترق الجسم تضرب بالحديد ولا يقدرو يطعنونه من غير الخوذه والدرع الحديدي
السبت أكتوبر 04, 2008 9:29 pm
